Waqt Ke Saath

Waqt ke saath ab mujhse chala nahi jaata
Milalu haath to phir chhala nahi jaata

Bhale wo murga sahi mere ghar me palta hai
Lakh koshish ke baad bhi tala nahi jaata

meri sohbat me rahoge to yakin hoga tumhe
haqiqato ke bayan me galaa nahi jaata

Ab inqalaab ka lagta hai daur khatm hua
Sarfarosho ke saath kafila nahi jaata

Club me bheed hai, mandir hai sune, mazjid bhi
Ibadato ka magar silsila nahi jaata

Jisse jitna hai rishta utna use milta hai
Udte panchi ke saath ghosala nahi jaata

Sabak bardasht ka sikhane me bhala lagta hai
Bigadti baat per ji kaun tilmila nahi jaata

Me jo chalta hu to manzil bhi khisak jaati hai
Yahi wajah hai ki ye fasala nahi jaata